قصيدة ل: عباس مبارك
كل الأسى موكب ضياع
وهالأسى بكلمات مكتوبي
اللوعات..
النغمات..
أشياع!!
والكون قصة حياة
مقلوبي،
كيف البعد خلَّىَ؟؟
وجهة مساري،،
تتغير وتتخلَّى
عن سحر أفكاري
لو عرفت!! ما خلَّيت
الأسى يدخل عهاك
البيت،،
وخصوص عاداري
وعابيت محبوبي
وجهت هالمذياع….
يا بلسم جروح العاشقين،
باللطف والذوق ،
أجمل حنين.
بحروف المكاتيب
بكل وصفة طبيب
تشفي العليل من الجرح الغريب
وتقول للوعات من القهر
دوبي،،
شفيوا الجراح وفتحو زراري
وطل الصباح
وترغل كناري
بكرا الدني بتتغير
وبيرجعوا الغياب
يدقوا عهاكِ الباب
ومنصير نتذكر
أيام الطفولة البريئة
وما منعود نتحسر
وكرمالنا منزيد ومنكتر
وبيكتروا الأحباب
ومن أول دقيقة
منطفي الحريقة
بنهدات متعوبي
عادقة الإيقاع
كل ٱلأسى موكب ضياع….
———————————-
